Nibuto ang brake sa elf truck, disgrasya!

DISGRASYA ang usa ka elf truck nga kolor puti, human nibuto ang brake nga adunay karga nga mga lubi, sa Barangay Bong-Bong, Ozamis City, kaniadtong nakalabay’ng adlaw, banda alas 3 sa hapon.

Matud pa, gikan sila sa Clarin, Ozamis City kay didto sila nagkuha sa ilang gikarga nga mga lubi, og dal-on didto sa dakbayan sa Tangub, kay mao kini ang negosyo sa pamilya.

Kalit mi-buto ang brake maong truck og dali-dali kining gipaliko, tungod kay adunay daghang tawo og posibling mabanggan niini, kay wala nay kontrol ang drayber sa pag-brake og gidiretso nalang kinig liko,  hinungdan sa pag bangga sa duha ka motor nga anaa nahimutang sa tuo nga bahin sa may Bong-Bong Detachment, ingon man sa may Checkpoint.

Ang duha ka motor nga XR color pula og Aerox color orange nga maoy na apil sa pag-bangga sa maong elf, nga gipanag-iyahan sa kapulisan sa 2nd Provincial Mobile Force Company.

Giimbestigahan gilayon sa Ozamis Police Station ang mga sangkot sa panghitabo alang dugang impormasyon.(Sam Tizon)