NICA-12 gibantayan ang pulitiko nga mohatag og suporta sa NPA

GIPAKUSGAN na sa mga otoridad ang pagbantay sa mga pulitiko nga posibleng mohatag og suporta sa Communist Party of the Philippines- New People’s Army- National Democratic Front (CPP-NPA-NDF).

Kini dungan sa taliabot nga filing of candidacy alang sa 2022 national ug local elections. Matud ni Eduardo Marquez, director sa National Intelligence Coordinating Agency (NICA) 12 nakalabay’ng eleksyon.

Duna silay nadawat nga impormasyon kalabut sa pagpangolekta sa grupo og “permit-to-campaign” fees gikan sa mga pulitiko. Dugang ni Marquez, gikan 2016- 2018 base sa ilang monitoring sa Soccsksargen, milyong kantidad sa salapi ang nakuha sa grupo gikan sa ilang mga extortion activities.

Rason kini sa hugot nilang pagbantay karon kauban ang kapulisan ug kasundalohan may kalabutan sa aktibidad. Gihingusgan ni Marquez nga huyang na karon ang grupo apan duna gihapon kapasidad sa pagsabwag og kagubot. Kung maundang ang pagpangolekta og salapi sa grupo posibleng maundang na ang ilang dili maayong aktibidad. Una nang, gibutyag ni NICA Director General Alex Paul Monteagudo nga P5.8 bilyon ang nakolekta sa grupo gikan 2016-2018 gikan sa extortion activity.

Photo: John James I. Doctor