Gipasalig ni AGF Trading CEO Pastor Agustin Fontillas nga iyahang tubagon ang obligasyon sa mga tawong ni-invest sa iyahang kompanya atol sa pagpakita sa mga miyembro sa media kaganihang buntag,Agosto 26.
Matud pa niya,nagpakita siya sa buhatan sa NBI para makahimo og paghatag sa obligasyon sa mga tawo.
Dugang pa ni Fontillas nga wala siyay intensyon nga modagan sa responsibilidad apan iyaha lamang gi-seguro ang iyahang pamilya human sa pagkawala.
Usa sa iyang goal karon nga mabalik ang 100 porsiyento nga mga na-invest sa mga tawo, apan matod niya nga dili niya mabalik diha-diha dayon tungod sa giingong mga panghitabo.
Nanawagan siya sa iyang mga myembro nga hatagan siya og konsiderasyon kay kining pagpakita niya sa otoridad alang kini sa kasulbaran sa iyang responsibilidad.///Ariel Morro Amistoso