Gikompirma ni Northern Mindanao Medical Center Research and Development Head Dr. Gina Itchon nga nag-desisyon na karon ang NMMC nga mag-code red.
Nagpasabot kini nga gipatas-an na sa maong balay tambalanan sa 50% gikan sa 40% ang ilang operating capacity.
Sigun ni Dr. Itchon nga 50% capacity sa NMMC ang gamiton alang sa mga COVID-19 patients lakip ang NMMC-CDO-Center for Emerging and Re-emerging Infectious Diseases sa San Simon gipatas-an ang operating capacity nga gikan sa 24 himuon nang 30.
Gidugang niini nga bisan unsang code nga ideklara, kung dili mugamay ang kaso sa COVID-19, maglisod gihapon ang hospital.
Subay niini, nagpatabang ang NMMC sa mga private hospital nga tabangan sila sa pag-asister sa mga Non-COVID-19 patients.