Non-performing Dept. manager sa LGU-CDO, gipasidan-an

Ipatuman ni Cagayan de Oro City Mayor Rolando ‘Klarex’ A. Uy ang pag-floating sa pipila ka non-performing Department manager sa Cagayan de Oro.

Gibutyag ni Mayor Uy nga aduna kini nasuta nga mga dili na ga toltol pag’ayo sa ilang tahas isip Department head gumikan sa tawhanong kina’iya nga gikapoyan na, gitapulan o adunay gisaligan.

Hagit kini sa iyahang administrasyon human gitagaan sa halos isa ka tuig ang maong mga Department Head alayon sa iyahang RISE agenda platform.

Dugang sa Mayor nga dako ang posibilidad sa paglahugay sa pipila ka mga Head alang matagaan sa kahigayonan ang ubang Leader nga makadumala sa ilang Departamento lakip ang posibleng bag’ong itudlo nga mamuno sa mabakante nga Opisina.