Notado misukol sa kapolisan, patay

Patay ang usa ka notadong indibiduwal sa pagkalambigit sa mga krimen human sa gipahigayon nga operayon sa otoridad sa Brgy 76-A, Kabacan Ecoland, Davao City kagahapon.

Sa report gikan sa Regional Special Operations Group- Regional Police Drug Enforcement Unit (RSOG-RPDEU ) XI giila ang suspek nga  si Christopher Saberon Villagonza, 41-anyos nga residente sa nasangpit nga lugar kinsa una nang gipailalom sa drug buy bust operation niadtong tuig 2000 ug 2015 gumikan sa pagkalambigit niini sa iligal nga droga.

Sa imbestigasyon nasayran nga silbihan unta og warrant of arrest si Vaillgonza apan nakatunog kini sa kapolisan rason nga misulay pagsibat pinaagi paglatay sa mga atop sa ilang silingan dayon misulod sa panimalay sa usa ka senior citizen.

Mibalibad matud pa nga isubmiter ni Villagonza ang iyang kaugalingon sa kapolisan inay nagpabuto kini rason nga didto na kini gibaslan nga miresulta sa pagkaigo niini sa nagkadaiyang parte sa lawas.

Gisulayan pa og dala sa ospital ang suspek apan gideklara na kining dead on arrival sa doctor.

Nakuha gikan sa suspek ang mga putos sa shabu ug marijuana, 12 gauge shotgun nga dunay daghang bala, ug caliber .45 nga pistola nga dunay mga bala.

Sa nahagpat nga impormasyon sa Brigada napuno matud pa og CCTV camera ang panimalay sa suspek rason nga nakabantay kini sa otoridad og nakadagan gawas sa trapdoor apan walay swerteng naapsan sa bala. BNFM-Davao

Leave a Reply

Your email address will not be published. Required fields are marked *