NPA commanders, nagkagubot na!

Nagkagubot na matud pa ang mga gi-ilang commander sa walhong grupo ilabi na kining galihok sa lalawigan sa Bukidnon ilawom sa Guerilla Front 68 Alpha.

Kini ang usa sa rason sa 21-anyos ug medical officer nga si alyas Jun sa pagbalik sa sabakan sa gobyerno ug manginabuhi nga malinawon uban ang pamilya.

Dugang pa ni alyas Jun nga nagmahay kini sa pagsulod sa kalihukan gumikan kay wala matud pa matuman sa rebeldeng organisasyon ang mga saad niini ilabi na sa mga lumad nga mamahimong maayo ang kahimtang.

Nasayran nga si alyas Jun ang lakip sa 17 ka rebel returnee nga gi-presentar sa 1st Special Forces Battalion, Barangay Mampayag, Manolo Fortich, Bukidnon kagahapong adlawa.

Gitambungan kini ni 4th Infantry Division, Philippine Army commanding officer Major General Andres Centino; Bukidnon Governor Jose Maria Zubiri; regional director sa Department of Social Welfare and Development Region 10; Department of Interior and Local Government Region 10 ug uban pang ahensya sa gobyerno.

Nakadawat og cash ug food assistance ang mga misurender gikan sa Provincial Government sa Bukidnon ug DSWD region 10 samtang takda kini makadawat og dugang cash assistance gikan sa Regional Task Force to-End Local Communist Armed Conflict alang sa ilang mga gipang-surender nga tag-as nga matang sa armas ug mga eksplosibo.

Leave a Reply

Your email address will not be published. Required fields are marked *