NPA sa Agusan del Norte, patyan sa engkwentro

Isa ka rebeldeng New People’s Army (NPA) ang patay human naka-engkwentro ang tropa sa 23rd Infantry Battalion Philippine Army diha sa Sitio Balatakan, Barangay Guinabsan, Buenavista, Agusan del Norte pasado alas – 6:30 kagahapon sa buntag.

Sumala ni Lieutenant Colonel Julius Cesar Paulo, ang Battalion Commander sa 23rd IB Philippine Army, nilungtad sa 15 minutos ang engkwentro adiser ni-atras ang kaaway.

Gitin-aw ni Paulo, mga salin matod pa sa nabungkag nga Guerilla Front 4A ang nakasangka sa tropa sa maong dapit.

Narekober sa dapit nahitaboan ang patay’ng lawas sa rebelde, duha ka AK47 rifles, ug 3 ka backpacks nga dunay sulod nga mga personal nga gamit.

Kasamtangan, ang patay’ng lawas ang gitugyan na ngadto kang Kapitan Mariano Galinato sa Brgy. Guinabsan alang sa saktong disposasyon ug makuha sa hingtungdang kabanay.

Leave a Reply

Your email address will not be published. Required fields are marked *