Hugot nga mi-apelar ang Natioanl Telecommunication Commission Northern Mindanao sa katawhan sa pagparehistro sa ilang sim cards, usa ka semana ayha ang deadline niini.
Gibutyag ni NTC-10 Regional Director Ted Buenavista nga dili na angay paabuton sa katawhan ang deadline sa registration, ingon man ang posibling extension niini.
Subay niini, migawas sa survey sa ubang regional offices nga dunay pipila ka hinungdan nganong ubos pa ang ihap sa mga registrants, diin kalakip niini ang walay valid ID, ug lisod nga signal.
Hangyo karon sa telcos nga kung mahimo tugutan ang provisional registration, nga hatagan sa kahigayon sulod sa gitagana nga panahon nga makapangita og ID ingon man ang paggamit sa barangay clearnace.
Sa pinaka-ulahing data, anaa pa sa 43.47% o kapin 73-million ka tawo ang nakapa-rehistro sa ilang sim cards gikan sa 168.9 million SIM cards nga nabaligya nationwide.
Subay niini nagpabiling bukas ang NTC sa paghatag assistance sa mga tawong naglisod og parehistro sa ilang sim cards, pinaagi sa pagbisita sa ilang buhatan ug paggamit sa ilang kiosk.