Obispo ug ubang kadagkuan sa UCCP Haran gipadakop tungod sa pagpangabuso

Nigawas na ang warrant of arrest  batok sa  unom ka mga kadagkuna ug personahe sa UCCP Haran  gumikan sa kasong child abuse.

Subay sa WOA nga gipagawas ni HOn. Dante Baguio, Presiding Jugde sa Regional Trial Court, 11th Judicial Region, Branch 12 dinhi sa syudad gimando ang pagdako kang Bishop Hamuel Tequias; Rev. Daniel Palicte;  Ephraim Malazarte; Jong Monson; Lindy Trenilla; ug Grace Avila nanukad sa kasong RA 7610 o Special Protection of Children Against Abuse, Exploitation and Discrimination Act.

Anaa sa P80,000 matag usa sa duha ka kason ang gireklomendang piyansa sa korte sa mga nahisgutan.

Kahinumduman nga nag ugat ang kaso sa dihang upat ka mga IP members  nga taga Davao del Norte ang nagpasaka og kaso niadtong milabayng tuig batok sa mga personahe sa  UCCP Haran center nga nahimutang diha sa  Fr. Selga, Dvo City.

Lakip gikasuhan ang  kapin kulang 48 ka mga indibidwal nga nalambigit sa mga kasong  forced labor, child abuse ug uban pang bayolasyon ubos  sa human righs law.

Kahinumduman, nahimong unod sa mga pahayagan  ang UCCP Haran sa dihang gikaingon nga nagpasilong sila sa   mga menor de edad nga mga lumad  nga nawad an ug mga pinuy anan nga kasagaran kanila gikan  pa sa Talaingod ug gikataho usab  nga nahimo silang recruitment ground sa mga batan ong lumad.