LEGAZPI CITY – Pig-enganyar kan Office of the Civil Defense (OCD) Bicol an mga bicolano na mag-intra sa saindanv Video Making Contest katakod kan pagselebrar kan National Disaster Resilience Month ngonian na taon.
Segun sa nasambit na ahensya, pwedesir subuot na mag-intra an siisay man na Bicolano mapa-grupo man o indibidwal. An mapipili, manggagana nin P10,000 cash prize para sa enot na pwesto, P5,000 para ikaduwang pwesto asin P3,000 man para sa ikatulong pwesto.
Dugang pa kan OCD Bicol, an video content dapat basado sa saindang tema na, “Bantayog ng Katatagan at Pagbubuklod sa Layuning Kahandaan,” kun sain obheto kaini na ipahiling an importansya kan pag-pepreparar lalo na sa aspeto kan disaster risk reduction and management (DRRM).