OLONGAPO-Umaasa ang alkalde ng Olongapo City na mas dadami pa lalo ang mahihikayat ngayon na magpabakuna.
Ito ay matapos na bilang isang namumuno sa syudad, siya mismo ay naturukan na kahapon ng anti-covid19 vaccine na gawa ng Sinovac.
Sa paraang ganito ay naipakita umano sa publiko na ligtas at mahalaga ang pagpapabakuna para malabanan ang covid-19.
Si Mayor Rolen Paulino Jr ay binakunahan kasunod ng advisory mula sa Department of Health kung saan pinapayagan nang magpaturok ang mga governors, vice-governors, mayors at vice mayors ng mga lugar na kabilang sa critical at high-risk areas dahil sa covid-19.
Sa Zambales base sa advisory, kabilang ang Candelaria, Castillejos, Masinloc, San Marcelino, San Narciso, Sta. Cruz, Subic at Olongapo na pinapayagan nang maturukan ang mga Chief Executives.//Jen Bayot-BNFM OLONGAPO
