Anaa sa 52 ka indibidwal ang nasikop sa General Santos City Police Office sa gikasa nga Simultaneous Anti-Criminality Law Operation sa siyudad kaniadtong Hunyo 23.
Gipangunahan ni Police Col. Gilberto Tuzon, direktor sa GSCPO ang nasangpit nga operasyon katugbang ang pwersa sa City Mobile Force Company ug walo ka police stations.
Sa datus sa kapulisan, miabot sa 24 nga wanted person ang nasikop kung asa pito niini ang lakip sa most wanted personalities.
Duna usab 19 ka indibidwal ang nasikop sa gipahigayon nga buy bust operation sa kapulisan ug mikabat sa 52 pakete sa gidudang shabu ang narekober nga dunay kinatibuk-ang kantidad nga P69,000.
Gawas sa shabu, nakumpiska usab sa awtoridad ang lima ka pakete sa gituohang marijuana nga nagkantidad og P4,650.
Apil sa nasikop ang tulo pa ka indibidwal human maaktuhan nga nagsugal samtang tulo niini mga menor de edad.
Miiskor usab ang GSCPO sa kampanya niini batok loose firearms kung asa pito ang naaresto ug siyam nga nagkadaiyang matang sa armas ang nakumpiska.
Sigun kang Tuzon, tumong sa nasangpit nga one time big time operation nga pugngan ang kriminalidad sa siyudad lakip na ang iligal nga droga, illegal gambling ug shooting incidents.
Dugang pa sa direktor, mas pakusgan niini ang mga programang gilusad sa GSCPO lakip na ang Oplan Kabalikat, Oplan Yaw-Yaw ug ang mga programang kaabag ang komunidad.
Sugatan ang isang fish dealer at pahinante nito habang nakaligtas ang driver ng trak nang…
Naniniwala si Department of Agriculture Secretary Kiko Tiu-Laurel Jr. na makababawi ang Pilipinas sa produksyon…
Nasa pasilidad na ngayon ng Bureau of Corrections (BuCor) sina Deniece Cornejo at Simeon Raz.…
Hindi sinunod ng China ang utos ng Pilipinas na alisin ang kanilang barko sa teritoryong…
Nilinaw ni Senate Special Committee on Maritime and Admiralty Zones, Chairperson, Senador Francis Tolentino na…
Narekober noong Martes ng pinagsanib na puwersa ng Mobile Community Support Sustainment Team (MCSST) ng…