Operasyon pumalya, lolo na nagpaopera naputulan ng maling paa

Naging tila bangungot sa isang 82-anyos na lolo ang kanyang operasyon sa isang ospital sa Austria matapos na maling paa ang maputol sa kanya.

Ayon sa Freistadt Clinic, human error ang nangyari kung saan imbes na kaliwang paa ang dapat na puputulin ay ang kanang paa ng pasyente ang naputol.

Saka lamang napagtanto ang pagkakamali nang papalitan na ng benda ang sugat sa pinutol na paa.

Ayon sa ospital, maling paa ang mamarkahan na dapat na puputulin. Nangako naman ang pamunuan nito na sisiyasatin nila ang insidente at rerepasuhin ang kanilang patakaran.

At upang maibsan ang epekto nito sa mental well-being ng pasyente ay nag-offer ang ospital ng psychological assistance para rito.

May karamdaman kasi umano ang lolo na nakaapekto na sa kaliwang paa nito kaya kinailangan nang putulin pero hindi inaasahang dalawang paa ang mapututol sa kanya.

Matapos kasi na magkamali, kinailangan muling isalang sa operasyon ang pasyente para putulin ang paang apektado ng karamdaman.#

Leave a Reply

Your email address will not be published. Required fields are marked *