Opisina it MSWDO ag DILG Kalibo, naka-lockdown

KALIBO, AKLAN—Temporaryong gin-lockdown do Municipal Social Welfare and Development Office (MSWDO) ag Deparment of Interior and Local Government (DILG) Kalibo para taw-an it daean do maid-id nga disinfection.

Raya hay matapos limang empleyado it MSWDO ag pilang empleyado man it DILG do natapnan it coronavirus disease.

May kaangtanan kara, nagdesisyon si Kalibo Mayor Emerson Lachica nga ipatuman umpisa June 21 do work-from-home ag skeletal scheme sa pilang empleyado it munisipyo it Kalibo.

Madumduman nga nauna eon nga nagpasa it sangka resolution do Sangguniang Bayan-Kalibo ku nagtaliwan nga domingo nga may tinutuyo nga ipatuman do nasambit nga sistema agud nga mapunggan do pagkalhit it deadly virus sa iba pang opisina sa munisipyo. // SHERRY ANNE REUNIR-VIDAL

Leave a Reply

Your email address will not be published. Required fields are marked *