GIBASOL sa opisyal sa Bureau of Jail Management and Penology (BJMP) ang kapulisan sa General Santos City sa pagsaka sa ihap sa kaso sa Covid-19 sulod sa presohan nga karon naa na sa 52.
Matud ni Jail Supt. Metz Milton Placencia, city jail warden kung gilayong gisulti sa mga sakop sa San Isidro Police Station nga positibo ang usa nila nga babayeng piniriso nga gi-commit aron Mayo 05, 2021.
Dili na lang unta nila dawaton ang 13 ka piniriso nga gikan sa selda sa nasangpit nga presinto. Dugang ni Placencia, dugay na silang naglockdown pagsugod pa lang sa pandemya aron protektahan ang naa sa 1,200 plus nga male ug 100 kapin nga female inmate. Ang babayeng inmate sa maong presinto ang gikaengong uyab sa piniriso nga nakasalumaha ang uban pang inmate pagsulod sa Jail.
Apan karon nakasulod na sa City Jail ang virus ug ang 52 sa 76 ka piniriso nila ang natakboyan na sa Covid-19. Ang Rural Health Unit (RHU) sa Barangay Apopong ang nag-atiman ug natest sa mga piniriso nga gibulag na sa populasyon sulod sa presohan. Pulos asymptomatic ug naa na sa ‘stable’ ang kondisyon sa mga nagpositibo nga naa sa bulag nga pasilidad sa City Jail. ( Richel Gubalani)