Opisyal sa usa ka environmental group sa GenSan gisaway ang pagwagtang sa ban sa open pit mining sa South Cotabato

NAGPAGAWAS og komento ang usa ka opisyal sa Inputs for Environmental Conservation Incorporated kalabot sa isyu sa pagwagtang sa 12-anyos nga Ban sa open pit mining sa Tampakan, South Cotabato.

Sa paghinabi sa 89.5 Brigada News FM Gensan kay Recamar Guinares Chairperson sa Conservation Group ginatawag niya nga dinalian, mahukmanon ug nagpawalay bili ang pag-lift sa ban.

Ang buot daw ipasabot niini una nga sa kapaspas nagtuo siya nga sa wala pa ang piniliay may desisyon na ang mga board members sa South Cotabato mao nga human sa eleksyon nawagtang ang ban sa open pit mining.

Ikaduhang komento ni Guinares, decisive kon mahukmanon ang mao nga desisyon sa kadaghanan sa board members sa South Cotabato kay ang 11 ka tawo naghukom alang sa kaugmaon sa liboan ka katawhan nga anaa nagpuyo sa palibot sa South Cotabato.

Sa rason nga makaganansya og dako ang ekonomiya sa probinsiya kon makuha ang copper apan kon tan-awon sa sumala pa sa Sustainable Development Goals sa United Nation mas daghan ang disadvantages sa open pit mining.

Ikatulong komento ni Guinares gipawalay bili ang tanang component sa Sustainable Development sa desisyon sa mga magbabalaud nga wagtangon ang ban, ang usa sa ginatan-aw niya ang katubigan nga ma- apektuhan.

Kon maguba daw ang source sa hinlo nga katubigan sa kabukiran nga may koneksyon sa kadagatan unsa ang mahitabo sa katawhan mao nga supak ang Inputs for Environmental Consrvation Incorporated sa open pit mining sa South Cotabato. I Ver Diazon