Laraw karon ni City Councilor Joselle Villafuerte nga pandayon ang usa ka ordinansa aron mahimong luwas ang kadalanan sa syudad.
Atol sa privilege speech sa konsehal atol sa sesyon sa 19th Davao City Council kagani, nahimong kapasikaran ang sunod-sunod nga gakahitanong aksidente sama sa nahitabong disgrasya sa Magtuod Maa sa miaging Sabado nga gikamatay sa usa ka delivery rider.
Kahibaluang patay sa maong aksidente si Armand Bonleon samtang padayong gitambalan karon ang laing motorista nga si Rex Fernandez ug angkas nga si Marivic Veboso.
Samtang ang laing mga biktima naila nga sila si Estrella DelMar, Avelina Delmar ug Rex Jalalon nga sakay sa Mitsubishi mirage samtang sa Toyota Vios sila si Vicente Aradillos. BNFM-DAVAO