LEGAZPI CITY – Pasado na sa Sangguniang Panlungsod kan Legazpi City an ordinansang ma-regulate kan operasyon nin mga water refilling station sa syudad.
Segun kay Committee on Health and Sanitation Chairman City Councilor Alexander Jao, author kan ordinansa, mapuon na sindang maghagad ki dokumentos kan mga nag-ooperar na refilling stations bako sana sa syudad kundi kasarabay na pati sa kabilugan kan Albay nganing maaraman kun siisay an mga rehistrado na iyo sana an tutugutan na maka-deliver nin tubig sa Legazpi.
Mientrastanto, presente nang pigpaplanuhan an pagbilog ki task force na mapautob kan ordinasa asin ma-monitor kan mismong operasyon kan kada negosyo mantang magkakaigwa man ki pag-eksaminar kan tubig asin training kan mga personahes kaini.
Magigirumduman na sa liwat na buminutwa an isyu sa inumong tubig gikan sa mga refilling station matapos na makaresibe ki reklamo na igwang mga residente na suboot nagkaugwa ki amoebiasis.