LEGAZPI CITY – Sarong ordinansa an pigbubusol nin sarong konsehal sa Legazpi City na nag-oopresir ki free parking sa mga senior citizens sa anuman na establisimento sa syudad.
Sa intrevista kan Brigada News FM Legazpi kay Coun. Law Beltran, sinabi niya na nasa enot na pagbasa pa sana ini sa konseho.
Maogma man na ibinabareta ni Beltran na an SM City Legazpi, nagtugot asin nagpapabor sa saidang ordinasa.
Sa ngunyan, pinag-oolayan na ninda kun pirang parking slots an itatao sa mga senior citizens.
Naghahalat pa sinda sa iba pang malls; tinawan-doon man ni Beltran na applicable an ordinance sa gabos na commercial establishments sa syudad.
Dugang pa digdi, an nasambit na ordinansa bako sana para sa mga drivers na senior citizens, alagad pati man sa mga bako driver basta nasa lunadan.
Kinakaipuhan sanang magpahiling nin senior citizen ID nganing maka-avail kan free parking.
Segun sa konsehal, saro ini sa saindang paagi asin lakdang na matawanan ki convenience asin benepisyo an mga senior citizens pati na an mga persons with disabilities.