Oriental Mindoro Gov. Dolor, handang magsampa ng reklamo laban kay PNP Chief Sinas

Handang magsampa ng kaso si Oriental Mindoro Governor Humerlito “Bonz” Dolor laban kay PNP Chief Gen. Debold Sinas sa oras na mapatunayang lumabag nga ito sa health protocols na ipinatutupad noong nagtungo ito sa kanilang probinsya.

Ayon kay Dolor, hindi niya ikinokonsidera bilang “VIP person” si Gen. Sinas dahil wala naman talaga dapat aniyang “VIP treatment” kahit kanino man, pagdating sa pagsunod ng COVID-19 rules.

Matatandaan na nagtungo ang PNP chief noong Marso 11 sa naturang lalawigan sakay ng isang helicopter kung saan hindi ito dumaan sa pier ng Calapan City, para dumalo sa ceremonial vaccination ng mga medical workers sa MIMAROPA police kung saan positibo ito sa covid-19.

Nauna na namang sinabi ng Philippine National Police na palaging sumusunod ang hepe sa mga health protocols kahit saan pa ito pumunta.

Leave a Reply

Your email address will not be published. Required fields are marked *