ADUNAY bag-ong General Manager ang Oroquieta City Water District nga si Mr. Jino Ano-os Jr. Nagsugod siya sa iyang pagka General Manager kaniadtong Mayo 5 niining tuiga.
Nahinabi sa programang Tira Brigada ang General Manager sa maong buhatan pinaagi ni kabrigadang Donyor Canillas. Ug gibutyag niini ang mga nag-unang angay buhaton isip siya ang nagdumala sa maong buhatan.
Matud pa niya nga ang usa ka rason nganong nahimo siyang General Manager tungod sa pagsalig sa mga Board Of Director niining buhatan. Gumikan sa iyahang gidugayon sa pagpangalagad isip usa usab ka Board Of Director kaniadtong niaging panahon.
Samtang gisaysay usab niya nga adunay Stand by Generator ang mao nga buhatan ug igong supply sa tubig ang mga nagkadaiya-iyang Pumping Station sa matag Barangay arun makasustiner kini sa mga panginahanglanon sa tubig sa mga lomolopyo sa matag Barangay.
Dugang pa niya nga plano niyang palambuon ang uban pang pumping satation sa tibook dakbayan sa Oroquieta, arun makadungag pa kini ug uban pang mga supply sa tubig sa mga wala pa nabutangan ug pumping station.
Gipaningkamutan usab sa maong buhatan nga matag palong sa kuryente nga dili na maapektuhan ang ilang pumping station arun magpabiling makasupply sa tubig sa mga taas nga lugar ug madugangan pa usab kini ug pipila ka mga oras nga pagpaandar sa nagkadaiyang mga pumping area.
Dakong pasalamat ang buhatan sa OCWD sa pagsupporta ug pagsalig ka nila arun mamahimong supplier sa tubig sa tagsa tagsa ka mga panimalay.(Cj Luzano)