Maghahain quo warranto case ang Office of the Solicitor General laban kay Suspended Bamban Tarlac Mayor Alice Guo.
Ito ay matapos i-anunsyo ng National Bureau of Investigation (NBI) na tugma ang fingerprint ng alkalde sa Chinese national na si Guo Hua Ping.
Ayon kay Solicitor General Menardo Guevarra, maituturing na breakthrough ang findings ng NBI dahil ito ang magbibigay linaw para sa maraming katanungan kaugnay sa tunay na pagkatao ni Guo.
Mababatid na una ng kinumpirma ni Sen. Risa Hontiveros ang naturang findings ng NBI na pekeng Pilipino umano ang alkalde.
Ang quo warranto ay isang legal na pamamaraan para hamunin o tutulan ang karapatan o kapangyarihan ng isang indibidwal sa kaniyang posisyon.