Otoridad blangko pa sa pagpatay sa mag-amahan

Blangko pa ang kapulisan sa Maco kung unsay motibo sa pagpusil patay sa mag-amahan nga giratratan og M16 rifle sa duha ka wala mailhing kriminal alas 8:20 kagabie sa Prk. 1 Concepcion Maco Davao de Oro.

Una niini Huwebes sa gabie dihang natigayon ang krimen kung asa giila ang mga nakabsan nga sila si Arman Pacaldo Demecillo Sr., 49-anyos, minyo kanhing CAFGU/CSU Maco; ug anak niini nga si  Arman Pasco Demecillo Jr., 26-anyos dunay kapuyo, kanhing CAFGU nga residente sa maong lugar.

Nigawas sa imbistigasyon nga naglingkod ang mag-amahan gawas sa ilang balay dihang dunay niabot nga tulo ka lalaki sakay sa motorsiklo og nisulod sa compound dayon  nideretso sa mga biktima ang duha bitbit ang ilang tag-as nga kalibre sa armas.

Gipailawum na sa cross matching ug ballistic examination ang mga basiyo sa balanga narekober sa otoridad sa crime scene.

Leave a Reply

Your email address will not be published. Required fields are marked *