GIBUTYAG ni Kapitan Paolo Natividad sa Brgy.Apopong nga nahatagan og tabang sa LGU ang 58 ka hog raisers sa ilang barangay nga mokabat sa P1.3 million niadtong Oktubre 4.
Nagpasalamat si Natividad tungod gitutokan sa City Veterinary Office, Public Safety Office ug Mayor’s Office ang mga biktima sa ASF sa ilang barangay.
Gibayran ang matag usa ka baktin og P1,000, ang mga 3-months above nga baktin anaa sa P1,500 ug may bugti nga P5,000.
Gawas sa maong tabang, una na usab gitunolan sa barangay ang matag apektadong hog raisers og tag P1,000 gawas pa sa unang gihatag sat aga SOCOSPA katong adlaw sa pagkuha sa gi-cull nga baboy sa mga hog raisers.
Samtang ginasuta pa ni Kapitan Natividad ang gisaad nga P100-K sa mga hog raisers gikan sa LGU GenSan.
Sa karon gitugotan na sa pag-timan pagbalik ang mga hog raisers ug nagmugna na sila og asosasyon aron maprotektahan ang ilang panginabuhian.