P12.1-M shabu ug marijuana, naimbargo sa PDEA-12

SHABU ug ‘marijuana’ ang gipiling gamiton sa illegal drugs users sa rehiyon, base sa Philippine Drug Enforcement Agency (PDEA-12).

Ang pamahayag ang dungan sa gipagula nga datus sa ahensiya, asa sa unang kwarter sa tuig, mokabat sa P12.1 milyon kantidad sa shabu ug marijuana ang naimbargo sa serye sa operasyon nga gilusad sa rehiyon.

Ang datus ang gipresenta, atol sa Regional Inter-Agency Committee on Anti-Illegal Drugs Coordinating Group (RICG) lunes sa buntag. Sa maong datus usab, gikaengon sa ahensiya nga kinatibuk-ang 227 anti- illegal drus operasyon ang gihimo gikan Enero hangtud Marso.

Asa mokabat sa 1,159.3487 gramo sa shabu ug naa sa 577.44 gramo sa pinaugang dahon sa marijuana ang naimbargo samtang 21,000 punoan sa gituohang marijuana ang nalarot.

Naa usab sa 257 katao ang nasikop lakip ang 31 katao nga gikonsiderang high-value targets. Matud ni Aileen Lovitos, director sa PDEA-12 magpadayon ang ilang hugot nga kampanya batok gidiling droga sa rehiyon.

Samtang naa na lang sa 114 barangay sa rehiyon gikan sa 1,095 ang pabiling drug-affected. Duha niini ang Sarangani; 26 sa South Cotabato; 70 ka barangay sa North Cotabato; duha sa Sultan Kudarat samtang 14 ang sa GenSan. I Richel Gubalani

Leave a Reply

Your email address will not be published. Required fields are marked *