MOKABAT sa P5,350 ang natigom sa Gcash, pag-amot amot sa mga nagpakabanang katawhan ug mga miyembro sa Brigadahan sa panawagan nga tabang alang sa 5-anyos nga may sakit nga hydrocephalus sulod sa duha ka oras nga panawagan.
Samtang gidugangan usab sa Brigada og P8,000 ang maong tabang hinungdan mikabat sa P13,350 ang kinatibuk-ang nadawat sa inahan ni
John Carlo Rodrigo, nga taga 22, Sunrise, Brgy.Fatima
Segun sa inahan niini nga si Jorisa Arcilla, 31-anyos sukwahi sa ubang kaso sa hydrocephalus nga gadako ang ulo, sa iyang anak kay nagahuyos.
Normal paggawas ang bata pag 2 months na admit tungod sa meningitis
15 days na coma maong naghinay hinay kakuyos ang ulo tungod walay kaon tungod gatas lang ug dili usab pwede pasobrahan ang gatas kay magsuka ug dili katulon og kan-on.
Sumala sa doctor ni Carlo, kinahanglang operahan aron ma expand ang utok ug maayo pa ang iyang mata nga naapektuhan
Half million ang kinahanglan alang sa operasyon apan 10 percent lang ang possibility nga mahimong normal after operation.
Sa nadawat nga tabang, segun ni Jorisa nga iyang ipalit og gatas, diaper ug ubang kinahanglanon ug ang uban ideposito sa bangko alang sa panginahanglanon sa anak.