MAPASALAMATON ang usa ka ginang sa dihang mauli kaniya ang cash nga mubalor sa P150,000 human ma report nga nawala sa basidad sa usa ka parmasiya sa Barangay Lagao, Gensan.
Gilayon nga gi-aksyunan sa mga sakop sa Lagao Police Station ang report pinaagi sa pagsuta sa lugar ug pagsusi sa mga posibleng CCTV footage. Dinhi nasayrang usa ka trabahante sa meat shop ang nakapunit sa pitaka nga gipanag-iya ni Alias Lani. Sumala pa ni PMaj. Abdulsalam Mamalinta, Jr. labaw sa Lagao Police Station nga tungod sa gihimong makuti nga imbestigasyon, hugtanong nauli ang kwarta sa maong ginang.
Nasayrang nahulog ang pitaka ni Alyas Lani gawas sa parmasiya ug nakita sa CCTV nga adunay nakapunit niini. Tungod sa walay puas nga pag imbestiga sa Lagao Police Station, boluntaryong mipatim-aw ang gikaingong nakapunit sa kwarta ug gi-angkon nga gitago nila kini sa iyang amahan.
Dinhi gisuta sa kapulisan og kumpirmado nga anaa sa ila ang dakong kantidad sa salapi ug gibutang sa usa ka punuan nga duol lamang sa ilang gipuy-an sa Sunrise, Barangay Lagao. I MJ Fernandez