Gin loko ag gin bue-an it on-line scammer sa gcash ru biktima ru kwarta nga naga balor it P15K matapos makipag transaction sa suspek.
Sa record it Kalibos MPS, sangka 25 anyos nga babaye ru biktima ag taga-Brgy. Andagao, Kalibo, Aklan.
Nag loan sigun ru biktima sa online sa account messenger ni Leslie Balloso.
Nag chat ru scammer sa biktima nga kinahangean nga magpadaea it kwarta nga naga balor it P4,100 sa gcash para sa assurance fee.
Gintao it scammer ru anang gcash reference number ag pwede man sigun nga I screen shot ru gcash number it biktima para idto lang maga-agi ru transaction.
Matapos ru pilang minuto, gin tan-aw it uman ku biktima ru anang gcash apang tuman kakibot kat makitang uwa eon it sueod ru anang gcash nga naga balor it P15K.
Bangud kara, eagi nga nag-report sa Kalibo MPS ag mag pa record para sa awareness it publiko dahil sambilog man imaw nga nabiktima it on-line scammer.//MARIVIC Y. ILIN