Hingpit nang gisubhan ang P17 milyones nga Virgin Coconut Oil Processing Plant diha sa lungsod sa Jabonga, Agusan del Norte sa nakalabay’ng adlaw.
Ang maong proyekto namugna tungod sa pagtinabangay sa Philippine Coconut Authority (PCA) Caraga ug sa kagamhanang lokal sa maong lungsod.
Sumala ni Jabonga Mayor Napoleon Montero, dakong tabang ang maong proyekto sa paglambo sa panginabuhi sa katawhang Habonggahanon.
Alayon niini, personal nga gitunol ni PCA Regional Manager III Joel Oclarit ang cheque balor P17 milyones ngadto kang Montero.
Nipasalig usab si Rebecca Felix, ang Chairwoman sa Libas Farmers Multi-Purpose Cooperative nga ilang palamboon ang maong proyekto alang sa ikalambo sa ilang panginabuhi.