Gi-almahan sa usa ka opisyal sa Office for Senior Citizens Affairs kun (Osca) sa dakbayan sa Mandaue ang bag-ong na-aprubahan nga pagpataas sa cash gift sa mga centenarians nga gikan sa P100,000 gihimo kining P1 milyon.
Matud ni Mandaue City Osca head Diosdado Suico nga insakto na ang P100,000 nga cash gift alang sa mga katiguwangan nga muabot sa edad nga 100-anyos.
Gipasabot usab ni Suico nga kasagaran sa mahitabo dili ang centenarians ang makapahimulos sa maong kwarta kung dili ang ilang mga anak o kabanay ilabina kung ang beneficiary mas unang namatay una nadawat ang financial cash gift tungod sa kadugay sa pagproseso sa cash assistance.
Una niini, niadtong Mayo 8 ning tuiga, naaprubahan sa House of Representatives ang House Bill 7535 diin gipadak-an ang cash gift sa 1 milyon pesos alang sa mga tiguwang nga muabot ug 101 years old.
Nasayran nga ang dakbayan sa Mandaue adunay 24,000 ka senior citizens nga narehistro sa OSCA.//