Nasakmit sa mga sakop sa Philippine Coast Guard sa pantalan sa barangay Mainit sa lungsod sa Oslob ang mga imported nga sigarilyo nga nagbalor og P2.1 million nga gituohang gipalusot sa nasud
Nasayran nga daling milusad og operasyon ang mga sakop sa Intelligence Group Central Visayas sa PCG aron mababagan ang maong mga produkto human nakadawat og impormasyon kalabot sa maong gipalusot nga sigarilyo.
Ang mga putos sa sigarilyo, gibutang ilawom sa mga lata sa sardinas sulod sa carton nga adunay marka nga “United Menthol” og gituohang gikan sa Malaysia.
Ang maong nasakmit nga mga produkto, na-turn over na ngadto sa Bureau of Customs.
Giingong ang mga smuggled goods gituohang gikan sa Zamboanga, og nakalusot sa Dapitan port og gibiyahe paingon sa Sugbo.///