MAPATUMAN na sa lokal nga panggamhanan sa syudad sa Mati sa dili madugay ang P20 milliion nga traffic signalization system.
Kini nunot sa gihimong test run sa milabayng BIternes Septyembre 17 sa upat ka junctions kung asa nakaplastar ang traffic lights.
Sa impormasyon gikan sa City Information Office sa Mati, gipangunahan sa City Traffic Management Office, City Public Safety Office, ug Traffic Supplies and Construction Corporation ang test.
Gipailawum usab sa briefing ug orientation sa bag-ong sistema sa trapiko ang mga sakop sa Mati Traffic Management Office samtang nang-apod-apod og flyers ngadto sa mga drayber aron hatagan og kahibalo mahitungod sa traffic signalization system.
Nasayrang ang P20 million city traffic signalization project gisugdan niadtong Abril 8, 2021 pinaagi sa Traffic Supplies and Construction Corporation nga mao usab ang nag-manage sa traffic signalization system sa Tagum City.BNFM-DAVAO