P200-K nga financial assistance, ginpanagtag sang gobyerno probinsyal

Nagdangat sa kapin sa P200,000 nga financial assistance ang natigayon nga nahatag sang gobyerno probinsyal sa 56 ka mga benepisyaryo pinaagi sa talatapan ni 2nd District Board Member Gilbert Ardivilla kahapon nga adlaw sa Sangguniang Panlalawigan, Session Hall, Setyembre 19.

Ang ginpanagtag nga bulig sa mga resipyente ang ginalakipan sang Burial, Medical kag Hospital Assistance.

Napun-an sang lubos nga kalipay ang mga nagbaton bangud dako gid ang mabulig sini agud masolbar ukon mapahagan-hagan ang ila ginapangatubang nga problema sa karon. Ang gobyerno probinsyal sang Capiz sa idalom sang pagdumalahan ni Governor Fredenil Castro ang nagapadayon sa paghatag sang serbisyo nga may gugma kag balatyagon.

Leave a Reply

Your email address will not be published. Required fields are marked *