P33K NGA UNOD SANG WALLET, GINBALIK SANG ISA KA AIRPORT PORTER SA TAG-IYA

Wala nagpangduha-duha nga ginbalik sang isa ka porter sa Roxas City Airport ang nakita sini nga wallet sa tag-iya.

Ginkilala ang honest-porter kay Nilo ‘Bongbong’ Buhat kun sa diin ginturn-over sini kay PSSg Matt Antolin kag CSIS Melanio Besana ang kahita nga naga-unod sang P33, 350.00.

Sang hapon, nakuha man sang wala ginhingadlan nga tag-iya ang iya wallet kun sa diin tuman ang iya pasalamat kay ‘Bongbong’ bangud nabalik pa ang iya kahita kaupod ang mga importante nga dokumento.

Gindayaw naman sang pamunuan sang Civil Aviation Authority of the Philippines (CAAP) Roxas airport ang ginhimo nga kaayuhan ni Buhat kag nagapatimaan nga madamo sang matarong, maayo kag bunayag nga mga indibidwal kaangay niya.//KMD Gicalde

Leave a Reply

Your email address will not be published. Required fields are marked *