LEGAZPI CITY – Sinimulan na ang pamamahagi ng P41M na halaga ng livelihood assistance para sa mga lokal na mga magsasaka at mangingisda sa lalawigan ng Albay.
Ang nasabing asistensya ay donasyong ibinigay sa ilalim ng Presidential Assistance to Farmers, Fisherfolk, and Families (PAFFF) kung saan layunin nitong makatulong sa mga magsasaka at mangingisdang lubos na naapektuhan ng El Niño Phenomenon sa lalawigan.
Ang pamamahagi ay naisakatuparan sa pamamagitan ng ng Pamahalaang Panlalawigan ng Albay (PGA) sa pangunguna ng Albay Provincial Agriculture Office (APAO).
Ayon kay APAO Assistant Provincial Agriculturist, Daryl John O. Buenconsejo, kasalukuyan nang namamahagi ng nasabing tulong pinansyal simula kahapon sa 3,155 mga magsasaka at 1,000 mga mangingisda na una ng na-aydentipika ng bawat lokal na pamahalaan sa Albay.