Gintugyan sa 4Ps Livelihood Association sang Department of Social Welfare and Development (DSWD) kag LGU Jamindan ang cash assistance sa idalum sang Sustainable Livelihood Program (SLP) sang ahensya.
Personal nga ginhatag ni Mayor Mac Arthur Valdemar ang tseke nga nagabalor sang P450,000 sa Jamindan 4Ps Livelihood Association nga may 30 ka miyembro kag ila pagagamiton para sa Hydroponic Lettuce Production.
Ang DSWD Sustainable Livelihood Program ang may tinutuyo nga makabulig sa mga kumunidad pinaagi sa paghatag sang trabaho ukon negosyo.
Nagpa-abot naman sang pasalamat ang mga miyembro sang nasambit nga asosasyon sa paghatag sa ila sang kapital nga sarang nila mapadako sa oras nga maimplementar ang proyekto.//