P5 nga pagnaba it pamasahe sa mga tricycle sa Kalibo, ginasulong

Maabong mga indibidwal sa probinsiya ro nagapanawagan nga ibanaba it P5 ro pamasahe sa mga tricycle sa Kalibo, Aklan kasunod raya sa pagtaas it seating capacity ag pag-euwag it mga restrictions sa probinsiya.

Matandaan nga ku Nobyembre 2020, temporaryo nga ginpataas ro pamasahe sa mga tricycle sa Kalibo bangud sa krisis nga gintuga it pandemya ag pagtaas man it produktong petrolyo.

Base pa sa Federation of Kalibo Tricycle Operators and Drivers Association, Inc. (FOKTODAI) sa masobra sambilog ka dag-on nga pagtaas it pamasahe, tiempo eun nga pamatian man ro mga reklamo it mga pasahero sa mas manaba nga pamasahe.

Ro P5 nga pagbaba it pamasahe sa tricycle hay applicable sa mga motorized tricycle nga may ap-at ka sakay nga pasahero.

Sa pueong nga nahimo ku Nobyembre 26, ginkumbinse it Land Transportation Office (LTO) ro mga transport group nga suportahan ro pag-ayos it pamasahe sa probinsiya kasunod it mga reklamo it commuting public./JIL B. LACSON

Leave a Reply

Your email address will not be published. Required fields are marked *