P708K kantidad sa druga, nakompiska sa Butuan

Arestado sa hiniusang puwersa sa otoridad ang duha ka lalaki subay sa gihimong buy bust operation diha sa Purok 5, New Road, Barangay Limaha, Butuan City kagahapong adlawa.

Naila ang mga dinakpan nga sila Azis Mala, 25 anyos, ug Ryndon Ybasco, 44 anyos.

Sumala ni Police Colonel Canelo Fuentes, ang Police Director sa Butuan City Police Office (BCPO), gawas sa napalit nga 5 gramos nga gituohang shabu balor P59,000, nakuhaan usab si Azis og 2 ka sachets sa gituohang shabu nga dunay gibug-aton nga 55 gramos nga nagkantidad og  P649,000, mga drug paraphernalia, ug marked money balor P20,000.

Sa pikas bahin, nakuhaan usab si Ybasco og punto 2 gramos nga gituohang shabu balor P236.

Ang duha pulos na matod pa nadakpan sa paglapas sa Republic Act No. 9165 kun Comprehensive Dangerous Drugs Act 2002 adtong tuig 2016, apan gibuhian tungosd sa nahitabong plea bargaining agreement.

📷 BCPO

Leave a Reply

Your email address will not be published. Required fields are marked *