Dako ang pagtuo sa labor sector sa Northern Mindanao nga napanahon ang pagduso sa 750 pesos wage increase accross the board alang sa mga empleyadp tungod sa nagpadayon nga nasinatian kalisod sa katawhan gumikan nasab sa pagtaas sa presyo sa mga palaliton.
Matud ni Associated Labor Union-Trade Union Congress of the Philippines-Northern Mindanao Regional Vice President, Atty. Procolo Sarmen nga pabor kini sa mga trabahante, ug angayan nang ipasa sa Kongreso.
Subay niini, gisugyot ni Cagayan de Oro City Oro Chamber of Commerce President Rey Talimio nga ang angay buhaton sa mga magbabalaod, lantawon una ang tanang balaod nga konektado sa minimum wages.
Buot ni Talimio nga mabalanse ang tanang epekto sa paghingusog sa usbaw sa suhulan, dili lamang sa mga empleyado kundi lakip na sa mga employers o mga negosyante.
Kahibaloan nga una nang giduso sa house of representatives ang House Bill 7568 diin unod niini nga ipasaka sa 750 pesos ang suhulan matag adlaw sa mga trabahante sa pribadong sektor, agrikultura ug non-agriculture enterprises. -END-