Nagdangat sa P8.8 milyon ang gintugyan nga lotto shares sang Philippine Charity Sweepstakes Office (PCSO) sa kapin 50 nga Local Government Units sa bug-os nga Region VI sa ginhiwat nga distribusyon sa Hall of Governors, Kapitolyo probinsyal sining damlag lang.
Personal nga ginpanagtag ni PCSO General Manager Melquiades Robles sa mga representante sang nagkatuhay nga probinsya, syudad kag kabanwahanan ang tseke.
Ginbaton ni Vice Governor Mitang Magbanua ang iya sang Capiz Provincial Government kag mga alkalde naman sang LGU’s sa probinsya ang nagbaton sang ila nga lotto share kon sa diin naglab-ot ini sa masobra P1.1 milyon sa pagkabilogan.
Maluwas dire, nag-donar man sang 5 ka wheelchair ang PCSO para sa mga district hospitals.
Lubos naman nga nagapasalamat si Governor Fredenil Castro sa PCSO bilang katuwang sang gobyerno sa pagbulig sa mga kubos nga pumuluyo kag pagsuporta sa mga programa sa ikaayong lawas.
Suno naman kay PCSO General Manager Robles, nga sa gihapon ang “PCSO, hindi uurong sa pagtulong” Ang Small Town Lottery (STL) shares sang nasambit nga korporasyon ang ginhatag santo sa 2020 STL Revised Implementing Rules and Regulation.
Ang pagtugyan sini ang base sa nakabalhag sa Executive Order No. 357-A, ang pag-alokar sang 5% share sa PCSO Charity Fund sa mga LGU’s, sa syudad/munisipalidad kag 2% naman sa mga probinsya kon sa diin ang Lotto tickets nabakal.