Pag-activate sa mga BCCF gipaboran sa labaw sa komitiba sa kahusay ug kalinaw sa Barangay Bula

GIPABORAN sa labaw sa komitiba sa Kahusay ug Kalinaw sa Barangay Bula ang planong reactivation sa mga Barangay Covid Control force kon BCCF  gumikan sa subling pagsaka sa kaso sa COVID-19 sa General Santos City.

Sa pahayag ni Kagawad Antonio Talle sumala niini nga gi-impormahan siya sa hepe sa Bula PNP kalabot sa ilang nasabotan sa mga opisyal sa syudad ug usa sa nakitang solusyon ang pag-activate sa mga miyembro sa BCCF.

Sa panglantaw ni Talle sa mao nga plano pabor siya apan dili daw kaya sa barangay nga mohatag og binulan nga suhol sa mga BCCF gumikan sa kadaghan sa ihap nga tag baynte ka miyembro matag purok, ang iyang sugyot nga tag lima lang unya ayuda nga pagkaun ang ihatag sa taga barangay sama sa bugas sa rason nga lisod ang kahimtang karon og lisod magpa-duty og mga tawo nga walay makaon.

Maayo man daw kaniadto kay ang taga Department of Interior and Local Government kon DILG ang nagpasweldo sa mga BCCF ug ang syudad naghatag ayuda sama sa bugas. Samtang sa impormasyon gikan sa City Administrator wala pa nahuman ang ginahimo nga meeting sa Local Inter Agency Task Force kon IATF sa kasamtangan nga sitwasyon sa syudad. ( Ever Diazon)