GIHINGUSGAN subli sa LGU-CDO ang pag-awhag sa mga senior citizens sa dakbayan nga magpabakuna na batok Covid-19 isip depensa sa severe infection dala sa virus.
Gipahinumdoman usab ni Dr. Teodoro Yu Jr., medical officer sa City Health Office, ang publiko sa kanunay pagsul-ob sa facemask, paghugas sa kamot, pagsunod sa ‘physical distancing’, paglikay sa mga tapok-tapok ug lugar nga walay ‘proper ventilation’, pag-obserba sa ‘proper cough ug sneezing etiquette’ ug magpabakuna isip proteksyon batok sa COVID-19 ug mga variants niini.
Hisayrang sukad sa tuig 2020 sa pagsugod sa covid-19 pandemic, mokabat na sa upat ka mga higayon nga adunay ‘surge’ o pagsaka sa kaso sa COVID sa syudad, ug napamatud-an nga ang hugot nga kooperasyon sa katawhan, pribadong sektor, local ug national government ang depensa batok sa pagkuyanap sa virus. – END – (ARNIEL)