Iga required eon sa mga returning residents halin sa Antique, Capiz ag Aklan ru pagrehistro sa S-PaSS ( Safe, Swift, and Smart Passage) nga Travel Management System kun gustong magsueod sa probinsya umpisa kahapon Hulyo 22.
Suno kay Iloilo Police Provincial Office (IPPO) Director PCOL Gilbert Gorero, kun makumpleto ru registration sa https://s-pass.ph, kinahangean eang mag-secure it hard o soft copy it S-PaSS identification nga ipakita sa pasueod sa probinsiya.
Kinahangean nga i-comply sa S-PaSS Travel Management System ru Notice of Coordination ag identification cards it mga returning residents halin sa Antique, Capiz, kag Aklan.
Samtang, ru maga halin nga returning residents sa guwa it Region 6 partikular sa Manila ag Cebu nga maga sueod sa probinsiya, iga-require nga mag-agi sa S-PaSS ag negative RT-PCR Test result.
Gin hugtan it IPPO ru border control points matapos gin pirmahan ni Iloilo Governor Arthur Defensor Jr. ru Executive Order No. 263 kat gin paidalum sa ECQ ru probinsiya.//MARIVIC Y. ILIN