MANAGSAMA gihapon ang pamaagi sa pagtungha sa FVR Village Elementary School niining panahona sumala sa ilang bag-ong principal apan aduna kini i-introduce nga pamaagi sama sa Radio Transceiver.
Sa impormasyon gikan kay Principal Arnel Antiporda walay face to face sa ilang klase kondili self learning modules gihapon.
Apan adunay plano si Antiporda nga i-introduce sa mga ginikanan ug kabataan sa FVR Village Elementary School ang paggamit sa Radio Transceiver nga adunay maayong benipisyo sa pagkat-on sa kabataan kay maka-interact ang magtutudlo ug magtutungha.
Ang sistema igrupo ang kabataan sa duha hangtud upat sa usa ka grupo nga managsilingan sa usa ka Radio Transceiver.
Gidugang ni Antiporda nga ang iyang plano alang sa Grade 3 sa FVR kay nahimo na usab kini sa ubang tulonghaan. ( Ever Diazon)