LEGAZPI CITY – Itinugon kan alkalde kan Daraga, Albay an pagbabago sa ugali kan mga personahes nin Public Safety Office (PSO) sa bagong pamayo kan opisina.
Segun kay Ret. PMaj. Gilbert Otivar, bagong PSO Chief kan banwaan, nagkaigwa na sinda ki pag-oralay kan bilog na esfuerso asin pig-eksplikar sa mga ini an dapat na magin kalidad kan serbisyo o trabaho mantang idinugang pa niya na nagpupuon na siyang maggibo ki mga regulasyon asin giya nganing mapakarhay an operasyon kan opisina na para man sana sa publiko.
Mientrastanto, parte ini kan pag-upgrade kan PSO pasisiring sa Civil Security Unit na presente nang pig-aasikaso sa paagi kan binilog na ordinansa na nasa proseso na.
Kun magigirumduman, si Otivar an direktang nag-apply komo pamayo kan opisina asin tulos man na napaonrahan kan alkalde huli ta dakol na ining nagin designasyon, kun sain saro digdi an pagigin Chief of Police kan Rapu-Rapu Municipal Police Station.