Pagbalik sa normal sa presyo sa petrolyo walay pay kasiguradohan- DOE director

MAGPADAYON ang mga pag-usbaw sa produktong petrolyo kung ugaling dili pa mahuman ang komplikto sa nasud Ukraine ug Russia nga nagsugod kaniadto pang bulan sa Pebrero hangtud ning mga panahona.

Gibutyag ni Nilo Geroche, director sa Department of Energy o DOE-Mindanao nga tungod walay kaugalingong source sa petroleum products ang Pilipinas, nakadepende ra usab kita sa ubang nasud sa mamahimong paglihok sa presyo sa produktong petrolyo sa kalibutanong merkado.

Naglaom usab ang DOE nga sa panahon nga mahuman na ang kagubot sa mga nahisgutang nasud, hinay hinay nga mabalik ang normal nga presyo sa lana.

Kahibaloang ugmang adlawa magpatuman na usab og pagtaas-ubos nga presyo sa produktong petrolyo ang mga kompanya sa lana og  P2 hangtud P3 ang bawas sa kada litro sa diesel.

Apan may pag-usbaw og P3.50 hangtud P4.50 ang presyo ang kada litro sa gasolina.

Samtang posibleng magpabilin sa sa kasamtangang presyo produktong kerosene.

Gibutyag ni Jaime usa ka motorista, nga bug-at na kaayo sa bulsa ang walay puas nga pagtaas sa presyo sa diesel. I MJ Fernandez

Leave a Reply

Your email address will not be published. Required fields are marked *