Pagbantay sa mga ginabaha nga mga lugar sa Capiz, ginmando ni Gov. Castro

Ginmando ni Capiz Governor Fredenil Castro sa Provincial Disaster Risk Reduction and Management Office (PDRRMO) nga bantayan ang sitwasyon sang mga lugar nga ginabaha sa probinsya sang Capiz.

Ginpapreparar man sang gobernador ang mahimo nga ipanghatag nga bulig sa mga apektado nga pumuluyo kon magtinaas pa gid ang tubig baha sa probinsya kag para sa mas madasig nga pagresponde.

Ini ang direktiba ni Castro kay Atty. Sheila Artillero- PDRRMO Head kag DRRM Coordinator Jobelle Ticar sang personal nga nagpakighinala ang mga ini sa iya agud magpahibalo sang istado sang mga naapektuhan nga banwa kag kabarangayan.

Base naman sa PDRRMC Capiz OPCEN monitoring, as of 11am may yara sang 9 ka banwa kag 51 nga kabarangayan sa probinsya ang nagaekperyensya subong sang pagbaha. | KMD Gicalde