Pagbisita sa mga sementeryo sa Iloilo, mga vaccinated individuals eang ro pagasugtan

Base kay Jeck Conlu, COVID team spokesperson ag Public Safety and Transportation Management Office head (PSTMO), mga indibidwal eamang nga nabakunahan it 1st o 2nd dose it bakuna kuntra sa COVID-19 infection ro pagasugtan nga makasueod o makabisita sa mga nagtaliwan nga kapamilya sa mga sementeryo it siyudad.

Dugang pa nana, kinahangean nga i-present it mga nagabisita ro mga identification ag vaccination cards sa mga katapo it Philippine National Police, PSTMO ag mga safety officer nga nakabantay sa mga entrance it sementeryo.

Ro pagbisita sa mga sementeryo hay maga-umpisa halin Oktubre 30 hasta Nobyembre 2.

Kamana man, pagasugtan eamang ro 50 percent capacity sa pagbisita./JIL B. LACSON

(Photo from Web)

Leave a Reply

Your email address will not be published. Required fields are marked *