Ginabaeabagan it Sangguniang Panlalawigan it Aklan ro proposed accommodation it international flights sa Godofredo P. Ramos Airport.
Ro probinsya it Aklan hay may daywa ka airport ag raya hay ro Kalibo International Airport (KIA) sa Kalibo ag ro Godofredo P. Ramos Airport (GPRA) sa Caticlan, Malay, Aklan.
Ro KIA hasta makarun hay main gateway para sa mga turista sa Aklan nga naga-cater it domestic ag international flights, samtang ro GPRA hay nagaserbisyo it mga domestic flight.
Ku November 30, 2022, ro GPRA hay nakalista it kabilugan nga 925,741 passenger arrivals pinaagi it 36 nga daily domestic flights samtang ro KIA nga mas mabahoe hay may una eang nga 239,824 domestic passenger arrivals ag 40,862 international passenger arrivals, sa kabilugan nga 8 domestic flights ag 2 international flights daily.
Ro Philippine National Government, pinaagi it Department of Transportation (DOTr), ag Provincial Government it Aklan, hay gumastos ag padayun nga naga gastos it bilyong piso para sa expansion ag pag upgrade it pasilidad ag safety features it KIA sa international standards.
Ro KIA hay sangka night rated airport ag may ikasarang nga mag operate it 24 oras.
Pinaagi it Resolution No. 2022-289 it SP-Aklan, nakabaehag nga ro pagbukas it mga international flights sa GPRA hay indi eamang magapa grabe sa dati eon nga gutok nga kondisyon it mas maisot nga airport kundi pag-deprive man sa national government it kinhangean kara nga revenue para mabawi ro ginastos para sa KIA. / ANN DESLENE SALAZAR